DAVAO CITY – Ubay-ubay na ka mga bata ang natakbuyan ug Corona virus disease dinhi sa Davao region.
Kahinumduman nga pasyante nga usa ka 25 day old nga bata nga nagpositibo sa virus ang nakabsan na sa iyang kinabuhi niining milabay nga adlaw nga nadugang sa 22 ka mga namatay sa Davao region ug ika-20 sa dakbayan sa Davao.
Base sa record gikan sa Department of Health (DOH)-Davao regional office, nasayran nga ang nahisgutan nga bata nga mao si DR171 ang residente sa daplin sa baybayon sa Barangay 23-C, diin nakasinate kini ug sintomas sa disease kaniadtong Mayo 6 ug namatay niining milabay nga adlaw.
Kahinumduman sa 22 ka mga namatay namatay sa Davao region, 20 niini ang gikan sa dakbayan sa Davao, usa sa Davao del Norte ug usa ang sa Davao Occidental.
Laing tulo ka mga bata sab ang unang natalang nagpositibo sa covid-19 nga gilangkuban nila ni DR148, usa ka sais anyos nga bata nga taga Bunawan ug DR144, usa ka four-month old nga babaye nga taga Bunawa ug DR159, usa ka two-month old nga lalaki sa Barangay Mabuhay sa Paquibato.
Una na sab nga gibutyag sa DOH nga anaa sa 10 ka kaso ang ilang natala nga COVID-19 positives gikan sa Barangay 23-C kaniadtong Mayo 6 ug 8 kalakip na niini ang namatay nga bata.
Samtang ang laing siyam ang padayon karon nga naka-confine sa balay tambalanan.
