DAVAO CITY – Plano karon sa lokal nga panggamhanan ang permanente nga pagtangtang sa designated smoking areas sa tanan nga mga establisyemento sa siyudad.
Sumala pa kang Ashley Lopez, Vice Regulation Unit (VRU) head, ang maong polisiya kabahin sa pagpaningkamut sa dakbayan aron nga mapalig-on ang kampanya sa dakbayan nga mamahimong smoke-free.
Gitataw ni Lopez nga hatagan sumala pa nila ug prayoridad ang mga tulonghaan, factories, companies, shopping malls, ug restaurants ilabi na karon nga padayon nila nga gipalig-on ang kampanya batok pagpanigarilyo sa mga workplaces sa siyudad.
Aduna sumala pay specific guidelines alang sa nahisgutan nga dapit nga kinahanglan tumanon ayha kini ideklara isip “smoke-free establishments.”
Sa higayon nga mapatuman na ang nahisgutan nga mga sumbanan, magpahigayon ang VRU ug inspeksiyon sa mga workplaces palibut sa siyudad aron masiguro nga mi-comply kini sa mga checklist sa rekisitos sa siyudad.
