-- ADVERTISEMENT --
DAVAO CITY – Gihaya na ang patay’ng lawas sa usa ka onse anyos nga batang lalaki human nga nalumos kini sa sapa sa Brgy. Indangan Buhangin ning dakbayan.
Naila ang biktima nga si Anthony Abeñon, 11 anyos, residente sa Mandug Proper Buhangin ning siyudad.
Sa imbestigasyon sa otoridad, naligo sumala pa ang biktima kauban ang iyang mga higala dihang kalit na lamang kini nga nawala.
Dali nga miresponde ang mga hingtungdan nga ahensiya sa kagamhanan apan milungtad ug tulo ka oras ayha nga narekober ang patay’ng lawas niini.
Nagpahimangno na lamang ang otoridad ngadto sa mga ginikanan nga dili pasagdan ug kanunay nga imonitor ang mga anak aron nga malikayan ang susama nga insidente.
-- ADVERTISEMENT --
