3,000 ka mga kapulisan i-deploy sa unang adlaw sa klase

DAVAO CITY – Mukabat sa kapin 3,000 ka mga kapulisan ang i–deploy karong adlawa aron magpatuman ug seguridad sa mga tulonghaan dinhi sa dakbayan isip kabahin sa pag-abli sa klase karong adlawa.

Una ng gibutyag ni Police Brig. General Marcelo Morales, regional director sa PRO-11 nga andam na ang kapulisan sa ilang mamahimong tahas aron nga masiguro nga hapsay ang pagsugod sa klase.

Una na sab nga gibutyag ni DepEd spokesperson Jenielito Dodong Atillo, tigpamaba sa Deped 11, nga andam na sab sila sa pag-abli sa klase ilabi na nga laoman ang pagdagsa sa milyon ka mga tinun-an karong adlawa partikular na sa mga pampublikong tulonghaan.