DAVAO CITY – Gihikay na ang kaso batok ngadto sa usa ka laborer nga nahilambigit sa pagpamaligya ug illegal nga druga diin nadakpan sa kapolisan ug balhug na karon sa Carmen Police Station sa Carmen, Davao del Norte.
Naila ang dinakpan nga usa ka Michael Tero Layos, 24 anyos, residente sa Purok 3, Barangay Sto. Niño, Carmen, Davao del Norte.
Nasikop ang suspek atol sa gilusad nga buy bust operation sa nahisgutan nga lungsod, human human mitunol ug usa ka pakete sa gikatuohang shabu ngadto sa nagpaka-aron ingnon nga mopalit ug illegal nga druga.
Human niini pagdawat sa bayad nga kinyentos ka pesos gilayon siya nga giposasan sa mga otoridad.
Wala na makasukol pa ang dinakpan, gawas na lamang sa pagsunod sa kamandu-ansa kapolisan.
Gipasakay sa patrol car sa kapolisan ug gidala sa Carmen Police Station ang dinakpan.
Kasong may kalabotan sa kalapasan sa Republic Act 9165 Comprehensive Dangerous Drug Act of 2002 ang dinakpan nga laborer.
