DAVAO CITY – Abli na alang sa mga motorist ang 1.7 ka kilometros nga Mamay Laverna bypass road.
Kahinumduman nga gipahigayon kagahapon sa buntag ang ceremonial pass thru nila ni DPWH Secretary Mark Villar ug Davao City Mayor Inday Sara Duterte Carpio kagahapon sa buntag.
Ang nahisgutan nga bypass road gilauman nga mamahimong sulbad sa kagout sa dagan sa trapeko sa Buhangin Area.
Sumala pa kang DPWH Secretary Villar duna pa’y daghanan nga mga proyekto nga karsada ang ilang mugna-on sa dakbayan sa Davao.
Pinasikad kini sa Davao decongestion master plan sa DPWH uban ang pagpakig-alayon sa lokal nga kagamhanan sa dakbayan.
Gipasalig sa ahensya nga mahuman ang mga proyekto sa Davao Region ubos sa termino ni Pangulong Rodrigo Duterte.
Lakip niini ang coastal road nga 80 porsento na nga nahuman ang segment 1 nga nagsugod sa Bago Aplaya.
