DAVAO CITY – Nagpahimutang ang Philippine Atmospheric Geo-Physical and Astronomical Services Administration (PAG-ASA) Davao ug warning device sa bag-ohay pa lamang gi-ablihan nga Davao River Bridge sa Maa Diversion Road kaganinang buntag.
Sumala pa kang Norbert sa PAG-ASA Davao nga adunay sensor ang warning devise nga magsilbe nga water level gauge, ug rainfall gauge nga konektado sa ilang main office sa PAG-ASA sa Sasa.
Tumong niini nga mamonitor ang gikusgon sa ulan ug ang giladmon sa tubig sa mga suba sa dakbayan, labi na sa bukiron nga bahin. Tumong niini nga makapangandam nang daan ang mga anaa sa ubos kung ugaling moigo ang mga pagbaha. Ang gipahimutang nga warning device gi-donate sa panggamhanan sa Japan.
Kini na ang ika-dese sais nga warning device nga gipahimutang sa matag tulay sa dakbayan.
Sumala sa PAG-ASA Davao nga naulahi ang ilang pagpahimutang ug warning device sa Davao river bridge gumikan kay gipa-abot pa nila ang pagkahuman sa tulay.
