DAVAO CITY – Hugtanon nga gi-monitor sa Department of Health (DOH) ang kapin kwatrosentos ka mga tawo sa isla sa Mindanao nga natoplokan ug Dengue Vaccine nga Dengvaxia. Sumala pa kang Heath Assistance Secretary Abdulla Dumama, Jr. nga bisan ug sa Luzon ug Kabisay-an unang gipakaylap ang Dengvaxia, apan dunay mga prebado nga mga hospital sa Mindanao ang migamit sab niini.
Sumala pa kang Dumama nga duna siya’y nadunggan nga usa ka recipient nga usa ka Dengvaxia Vaccine nga na-admit sa hospital sa dakbayan sa Zamboanga, apan wala kini gi-report nga namatay.
Gihisgutan kini ni Dumama atol sa ground breaking ceremony sa Davao Medical Center Extension Hospital sa San Isidro, Davao Oriental.
Gikompirma sab ni Dumama nga mopatuman ug ID system ang kagamhanan alang ngadto sa mga natoplokan ug Dengvaxia sa Mindanao aron kini nga ma-prioritized kung ugaling ma-admit sa hospital gumikan sa sintomas sa sakit nga dengue.
