DAVAO CITY – Gilubong na ala una ang takna kaganinang hapon ang dos anyos nga batang babaye nga nakaplagang patay sa Tagum city niadtong martes sa hapon.
Dungan niini, dako ang panghinaut sa mga ginikanan sa biktima nga maangkon nila ang hustisya sa labing madali nga panahon.
Gikanayon ni Pablito Miole – amahan sa biktima nga dako ang iyang pagtuo nga naay kasayuran sa kamatayon sa iyang anak ang gihuptan karong person of interest sa kapulisan nga si alyas Boy Negro – usaka minro de edad.
Subay sa saysay sa amahan, nakita niya si alyas Boy Negro nga mikalit ug dagan sa dihang nagkabuang na sila sa iyang asawa sa pagpangita sa ilang anak nga si Cristine.
Usa sumala pa si Boy Negro sa mga meimbro sa grupong sukarap boys nga kanunayng malambigit sa mga riot sa ilang lugar.
Ang magtiayong Pablito ug Catherine uban sa ilang duha ka anak taud-taud na usab nga nagpuyo sa usaka waiting shed human gi-demolish ang ilang pinoy-anan niadtong milabay nga tuig dihang gipahigayon ang Jamboree sa tagum city ug gisaaran nga pabalikon karong bulan sa Pebrero.
Nagtuo si pablito nga hinay-hinay nga gi-alsa ang iyang nga natulog samtang nahinanok usab sila sa iyang asawa.
Samtang, alang sa kang Pablito, dili masukod ang iyang kasub-anan sa kamatayon ni Cristine ug hanngtud karon dili lamang gihapon niya makalimtan kung uunsa kaparaygon ang iyang anak.
