DAVAO CITY – Mas milig-on pa karon ang ebidensiya batok kang Edgar Joseph Lucero ang uyoan sa 6 anyos nga si Lea Bea Lucero nga maoy mi-unay pagpatay sa biktima.
Kini human nga nakita ug nakumpirma sa CCTV nga nakuha sa Sasa PNP gikan sa usa ka establisyemento sa mag Aliongto ning siyudad nga mi-agi ang suspek ug nagsunod kaniya ang biktima.
Matud pa kang Police chief Inspector Noel Villahermosa ang hepe sa Sasa PNP, positibo nga giila sa kabanay nga si Edgar Joseph ug si Lea Bea ang nakuha sa CCTV gumikan sa kolor sa gisuot niini nga sinena.
Samtang una ng milimud si Edgar Joseph nga iyang gilugos ang biktima, apan subay sa resulta sa medico legal nga gipagula ni Police Chief Inspector Nolan Genova sa Medico Legal, RCLO-X1, positibo nga gihilabtan ang bata gumikan sa nakitang laceration sa kinatawo niini.
Nasayran sab sa opisyal nga asphyxia o pagsap-ong sa ilong ug baba ang gikamatay sa bata.
