DAVAO CITY – Gituohan nga poblema sa kaugalingon nga pamilya ang hinongdan sa pagpakamatay sa usa ka traynta y tres anyos nga mag-uuma nga nakit-an nga nagbitay sa sitio Forestal, Cabantian, Buhangin, ning dakbayan sa Davao.
Naila ang biktima nga usa ka alyas Jovic, 33 anyos, residente sa Suwawan, Marilog District ning dakbayan sa Davao.
Nasayran gikan sa saksi nga si Aldren, nga nakit-an na lamang niya ang biktima nga wala na’y kinabuhi nga nagbitay mga alas 8:00 ang takna kagahapon sa buntag.
Gigamit sa biktima sa paghunos sa kaugalingon nga kinabuhi ang nylon nga pisi.
Sumala sa igsuon sa biktima nga gikalalis ni Jovic ang ilang amahan sa dugay na nga panahon ug posibling hinongdan sa pagka-depressed niini ang wala pa masulbad nga bangi sa pamilya.
Ang kapolisan ug ang mga sakop sa 911, managsama nga namahayag nga wala’y foul play sa kamatayon sa biktima.
