DAVAO CITY – Midonar ang Integrated Bar of the Philippines (IBP) ug kantidad sa P50,000 aLang sa programa sa dakbayan sa Davao City Transport and Traffic Management Office (CTTMO).
Mismong ang Presidente sa IBP-Davao Chapter nga si Atty. Marie Dinah Tolentino-Fuentes ug IBP Treasurer Santos Torreña ang mitunol sa maong salapi atol sa flag ceremony kagahapong adlawa ngadto kang Davao City Administrator Zuleika Lopez ug Davao City Assistant Administrator Lawrence Bantiding.
Mapasalamaton si Lopez sa ilang honored guests gikan sa IBP-Davao Chapter.
Matud pa kang CTTMO head retired Senior Superintendent Dionesio Abude nga plano niya nga gamiton sa salapi pinaagi sa pagpalit ug uniform sa iyang mga personahe.
Samtang kung aduna pay mabilin nga salapi, igahin sab kini dugang pundo alang sa repainting sa pedestrian lanes.
