DAVAO CITY – Kinatibuk-ang 55 ka mga traffic enforcers gikan sa City Transport and Traffic Management Office (CTTMO) ug Traffic Group (TG) workers ang gitangtang sa ilang serbisyo.
Mismong si LTO-Davao Assistant Regional Director Neil Cañedo ang mikumpirma nga 30 ang naggikan sa CTTMO ug 25 sa TG ang gipapahawa sa serbisyo gumikan kay dili sumala pa magtarong ug nagpasagad sa ilang trabaho.
Nasayran sab sa nahisgutan nga sa 87 ka TG ug 59 CTTMO enforcers, anaa lamang sa 62 ug 29 ang napabilin sa ilang katungdanan.
Gitino ni Cañedo nga ang gihimo sa LTO-Davao kabahin lamang sa ilang pagpaningkamut aron nga mahimo nila ug tarung ang ilang trabaho ilabi na ang paghatag ug solusyon sa nagka-grabe nga suliran sa paghuot sa dagan sa trapiko.
Samtang gitino ni Canedo nga ang pagtangtang sa 55 ka mga traffic enforcers dili makaapekto sa traffic operations sa siyudad.
Samtang sa pikas nga bahin, nakasikop sumala pa ang regional office sa LTO ug kinatibuk-ang 65,204 ka mga malapason sa balaud, 462 units ang na-impound sa tuig 2016 diin kadaghanan sa mga nadakpan ang mga motorsiklo ug kolorum nga mga units.
