DAVAO CITY – Gihikay na ang kaso nga atubangon sa upat ka mga dinakpan nga na-aktohan sa kapolisan nga nagdula ug majong ug gibalhug na karon sa San Pedro Police Station human nga nadakpan ning milabay nga gabii.
Nasikop ang upat mga alas 6:00 sa gabii sa Purok 10, Barangay 39-D Washington, ning dakbayan sa Davao ang mga suspek nga naila nga sila si Rolly De Los Santos, 48 anyos, residente sa Purok 8, Barangay 76-A, Bucana, ning dakbayan sa Davao, Marco Julius Gabriela, 29 anyos, wala’y trabaho, residente sa Barangay 39-D, ning dakbayan sa Davao, Rafael Balolong Nosraya, 34 anyos, ug usa ka Romy Case Natdap, 65 anyos, ug residente sa Purok 8, Barangay 36-A, ning dakbayan sa Davao.
Na-recover sa kapolisan sa ilang posisyon ang pusta nga P312 ka pesos, usa ka set sa majong tiles, ug usa ka set sa chips hinongdan nga gidakop sila ug gi-endorso sa San Pedro Police Station.
Ang pagkadakop sa mga suspek resulta sa mas gihugtan nga kampanya sa Davao City Police Office (DCPO) sa mga illegal nga sugal dinhi sa dakbayan.
