DAVAO CITY – Padayon pa nga gisubay karon sa Toril PNP ang motibo sa pagpatay sa kanhi sakop sa rebeldeng New People’s Army (NPA).
Kahinumduman nga moadto unta sa usa ka baryo sa Sibulan Toril ning dakbayan sa Davao ang biktima nga si Darwin Agyo dihang gibanhigan gipusil kini sa lima ka mga armadong kalalakin-an tumong sa iyang lawas ug ulo nga bahin nga maoy hinungdan sa iyang hinanaling kamatayon.
Una ng migula ang impormasyon nga mga kanhi kaubanan lamang niya sa kalihokan ang mipatay sa biktima sanglit suod na matud pa kini karon sa militar.
Matud pa sa kabanay sa biktima, wala silay nasayran nga adunay nakalaban nga sibilyan si Darwin.
Palawman pa karon sa kapulisan ang ilang imbestigasyon aron masayran kung adunay kalabutan ang mga rebeldeng grupo sa pagpatay sa biktima.
