DAVAO REGION- Patay ang usa ka 71-anyos nga Lolo human nga gi-atsa sa iyahang pag-umangkon pasado alas siyete ang takna kagabii.
Subay sa inisyal nga imbistigasyon sa Kiblawan Municipal Police Station, giila ang biktima nga si Sifronio Gimeno Tabanao, alias Onyot nga residente sa Baranggay Sto. Nino, Kibalawan, Davao Del Sur samtang ang suspek giila nga si alias Ale 52-anyos nga taga Purok-7 sa nasampit usab nga Baranggay.
Sumala pa sa mga nakasaksi sa maong panghitabo nga lango sa ilimnong makahubog ang suspetsado niadtong tungura.
Samtang ang biktima ang nagduyan gawas sa tindahan, apan kalit lamang nga giduol niini ang iyahang uyuan og gi-atsa sa makadaghan nga higayon tumong sa ulo sa biktima hinungdan sa iyahang pagka-angol.
Human sa gihimong pagpang-atsa sa suspek, dali nga misibat ang suspetsado palayo sa lugar.
Gilayong gitabang pa ang biktima sa mga tawo nga anaa sa palibot niadtong tungura ug gidala ang biktima sa ospital, apan pag-abot niini gideklara sa doktor nga dead on arrival ang biktima tungod sa lawom nga mga samad gumikan sa pagpang-atsa.
Gilayon usab nga naglusad ug hot pursuit operation ang kapulisan nga maoy hinungdan nga nadakpan ang suspetsado nga anaa na karon sa kostudiya sa otoridad.
Ginaimbistigahan na usab karon kung unsay motibo sa krimen. Sumala pa sa mga residente nga ang suspek, naila nga Maoy kung mahubog sa ilahang lugar ug gidudahan nga na-tripan ang iyahang Uyuan.
Narekober usab sa ang atsa nga gigamit sa suspetsado.
