Mitay-og ang kusog nga linog nga adunay magnitude nga 7.8 ang niigo sa Northern Molucca Sea, duol sa baybayon sa Ternate, Indonesia, karong panahuna (Abril 2), sumala sa United States Geological Survey (USGS), nga maoy hinungdan sa pagpagawas og tsunami warning alang sa mga silingang nasud.
Sumala sa USGS, ang linog nahitabo alas 6:48 sa buntag sa lokal nga oras sa Molucca Sea, .
Nasayran nga ang giladmon sa linog anaa 10 kilometro nga kini miigo sa kadagatan.
Sumala sa Pacific Tsunami Warning Center nga nakabase sa Hawaii, posible nga adunay delikadong mga balod sa tsunami “sulod sa 1,000 kilometros gikan sa epicentre” uban a ng mga baybayon sa Indonesia, Pilipinas, ug Malaysia.
Human sa linog, gipahibalo sa US tsunami warning system nga posible nga moabot ang mga balod og 0.3 metro hangtod 1 metro ibabaw sa normal nga lebel sa dagat sa pipila ka baybayon sa Indonesia.
Samtang, gilauma usab ang mga balod nga mas ubos sa 0.3 metro alang sa mga baybayon sa Guam, Japan, Malaysia, Pilipinas, ug Taiwan.
Nasayran nga ang epicentre sa linog nahimutang anaa sa 120 kilometros gikan sa siyudad sa Ternate, sa lalawigan sa North Maluku sa Indonesia, nga adunay populasyon nga kapin sa 205,000 ka mga residente.
