Gibutyag ni Vice President Sara Duterte nga dili mokuha ug confidential fund ang office of the vice president subay sa budget program sa mosunod nga tuig nga niabot sa P6.352 trilyon.
Kahinumduman nga nauna nang gibalibaran sa bese president ang P500 milyon nga confidential and intelligence funds (CIF) ilalom sa proposed 2024 national budget.
Atol sa plenary deliberations sa 2024 proposed budget sa Department of Education (DepEd), gikanayon ni Senador Pia Cayetano nga wala na usab gidawat ni VP Sara ang P150 milyon nga confidential funds sa ahensya.
Kahinumduman nga una nang gibutyag ni VP Sara ang iyang pagluwat isip DepEd secretary ug vice chairperson sa National Task Force to End Local Communist Armed Conflict (NTF-ELCAC) niadtong nakalabay nga semana.
Samtang gikanayon usab ni Budget Secretary Amenah Pangandaman nga ang sugyot nga 2025 national budget ang katugbang sa 22% sa gross domestic product (GDP) sa nasud.
Ang proposed spending program sa mosunod nga tuig ang mas taas usab ug 10.1% kaysa sa national budget karong tuiga nga naa sa P5.768 trilyon.
Mas taas usab ang proposed 2025 budget nga P6.352-trillion kung itandi sa P6.2-trillion national expenditure plan niadtong Abril.
