DAVAO CITY – Gisuspende karong adlawa Abril 18, 2022 sa lokal nga kagamhanan sa Sto Tomas, Davao del Norte ang trabaho ug ang klase gumikan sa pagbaha ug dili maayong kahimtang sa panahon.
Gitambagan ang mga magtutudlo ug ang mga estudyante nga likayan una ang pagbyahe gumikan sa posibling pag-grabe pa sa mga pagbaha ug sa dangog nga mga dalagn hatud sa padayon nga pag-ulan.
Dili na nusab kinahanglan pa nga moreport sa ilang tagsa-tagsa ka mga tulunghaan ang mga private ug mga public school teachers subay na usab sa suspension order.
Hinuon ang mga school heads o ang mga school principal ang adunay katungod sa pagpa-report sa mga piniling magtutudlo sa ilang mga tulunghaan kung gikinahanglan aron paghipos sa mga kabtangan sa mga tulunghaan ilabi na sa mga tulunghaan nga naa nahimutang sa mga flood prone areas.
Sa kasamtangan, moabot sa 3,694 ka mga pamilya gikan sa siyam ka mga barangay ang na-displaced gumikan sa pagbaha nga hatud sa localized thunderstorm samtang 29 usab ka mga pamilya ang naa sa evacuation center sa Barangay New Katipunan covered court.
