DAVAO CITY – Hinay-hinay nang nangabot ang dugang mga election paraphernalia nga gamiton alang sa midterm election karong adlaw nga Lunes, Mayo 13.
Gikanayon ni City Treasurer Erwin Alparaque, na-una nang mi-abot ang pipila ka mga official ballots, mga indelible ink, voters list, ug ang mga voters registration verification machines nga nagpabilin pa sa kustodiya sa buhatan sa comelec.
Samtang, ipahigayon usab sumala pa sa adlaw nga Huwebes ang testing sa VCM ug VRVM.
Andam na usab sumala pa ang syudad sa pag-distribute sa mga election paraphernalia nga gamiton karong adlaw nga lunes.
Kini ang ipang-apod-apod ngadto sa 1,139 ka mga clustered precincts.
Ang syudad sa Dabaw ang adunay kinatibuk-ang 274 ka mga voting centers, diin 60 sa first district, 87 sa second district ug 121 sa 3rd district.
Mo-abot usab sa 984,604 ka mga registered voters ang gilauman nga mo-boto karong adlawa nga lunes, diin pinaka-daghan niini ang sa 1st disitrict nga adunay 389,332 ka mga botante.
