Nadakpan ang 61-ka mga indibidwal nga mga wanted persons gumikan sa mga kaso nga gikalambigitan niini sa area of responsibility sa Sta. Ana PNP.
Subay sa gipaguwa nga datos sa kapulisan, nakasikop ang kapulisan og 31 ka mga most wanted persons sa kinatibuk-an nga nadakpan.
Ang nkinatibuk-an nga ihap sa mga nadakpan ang nalambigit sa mga kasong Homicide,Rape,Physical Injuries,Estafa,Theft ug Illegal Drugs.
Gibutyag usab sa kapulisan nga atol sa pagpahigayon sa pagsilbi sa warrant of arrest batok sa mga akusado ilaha kining gibasahan sa mga katungod subay sa Constitutional Rights, ug gigamitan og body-worn cameras sa oras sa pagpangdakop aron masiguro ang transparency ug pagsunod sa tama nga proseso.
Tungod niini, mapasamaton si PMAJ Richeen Lagnayo, Station Commander sa Sta. Ana Police Station, sa kakugi sa PS1 Tracker Team sa ilahang padayon nga paningkamot sa pagsikop sa mga kriminal.
Sumala pa sa opisyal nga tungod sa gipakitang dedikasyon og paningkamot sa mga ginsakpan niini natagaan ug hustisya ang mga biktima ug nadala na sa hustisya ang mga suspetsado.
Sa pagkakaron, nagdayon ang DCPO sa pagpanguna sa kampanya kontra kriminalidad aron mapadayon ang kalinaw ug kasiguruhan sa dakbayan sa Davao.
