Andam ang gobyerno sa Pilipinas pinaagi sa Department of Finance (DOF) nga gamiton ang $500 million nga kantidad sa standby credit line nga gipalugway sa World Bank aron suportahan ang disaster relief ug rehabilitation efforts sa nasud, gumikan sa paghapak sa Super typhoon Carina ug southwest monsoon o habagat.
Gipahayag ni Finance Secretary Ralph Recto nga ang $500-million credit ang makuha dayon kini ug mapagawas sa higayong mudeklara ang Presidente ug state of calamity.
Gipahayag nga ang presidential declaration sa state of calamity o public health emergency ang gikinahanglan aron mapagawas ang pondo ubos sa standby credit facility.
Sa kasamtangan, gipahayag ni Pangulong Ferdinand Marcos jr, nga ang desisyon magdeklara ug state of calamity sa National Capital Region ang anaa sa local chief executives gumikan kay ang mga nahisgutan ang nasayod kung unsa ang ilahang gikinahanglan.
Gideklara sa Metro Manila Council (MMC) ang state of calamity sa National Capital Region (NCR) gumikan sa halapad nga pagbaha hatod sa Habagat ug Super Typhoon Carina.
