DAVAO CITY – Pipila ka mga Ata-manobo nga mga kababaenhan ang migradwar sa 15 ka adlaw nga skills training and capability building sa dressmaking and beads crafting, nga kabahin sa Indigenous Knowledge System Practices project sa Department of Social Welfare and Development (DSWD).
Nakadawat ang 36 ka mga kababaenhan ang nakadawat ug livelihood training certificates atol sa ilang graduation sa Kapalong, Davao del Norte.
Sumala pa kang Kalahi CIDSS-NCDDP gender specialist Lourdes Turiano, matag tuig aduna silay 30 ka mga volunteers nga magpahigayon ug training, seminars, ug workshops.
Pipila kanila ang nahimo ng barangay officials gumikan kay aduna na silay kaalam sa training.
Sa milabay nga Abril ning tuig kasamtangan, aduna nay 20,619 Kalahi-CIDSS women community volunteers sa Davao Region, 36.87% niini ang laborers sa construction of community sub-projects samtang  55.74% ang gibansay sa program workshops ug capacity building activities.
Tumong sab sa maong proyekto nga mohatag ug serbisyo ug magsilbi nga dalan aton nga mapalig-on pa ang partnership tali sa local governance institutions ug Indigenous Political Structures nga dili maabuso ang kultura sa mga lumad.
