DAVAO CITY- Misurender sa kapulisan ang tulo ka mga Communist Terrorist Group (CTG) members nga nagbaton og daghang mga warrant of arrest diin duha niini ang nalakip sa listahan sa mga most wanted person sa Maco Municipal Police Station sa Davao de Oro Police Provincial Office.
Giila ang mga misurrender nga sila alyas TV “NASH”, Squad Leader; alias “AIAN”, Team Supply Officer; ug alias “JUMONG”, Vice Squad Leader kansa mga kanhi sakop sa na-dismantle nga Weakened Guerilla Front 33 ug 55 Southern Mindanao Regional Committee nga nag-operate sa mga areas sa Davao del Norte, Davao City, ug Davao de Oro.
Nahukman sumala pa nila nga mo-surrender human ang pagkasikop sa ilang igsuon nga si GEORGE ADOLFO ug sa ilang bayaw nga si MARICEL R. AMPARO niadtong Setyembre 14, 2022.
Nagbaton ang mga nahisgutan og warrants of arrest sa kasong homicide diin muabot sa P120,000 matag usa kanila ang girekomenda nga piyansa ug lain pang usa ka kaso sa Illegal Discharge of Firearms.
Sa karon, anaa na sa kustodiya sa CIDG Davao de Oro ang tulo ka mga kanhi rebelde alang sa documentation ug custodial debriefing uban sila ilakip sa Enhanced Comprehensive Local Integration Program.
VIA|| BRYAN CHIN ABE
