DAVAO CITY – Mikabat sumala pa sa tulo ka mga sakop sa rebeldeng New People’s Army (NPA) ang napatay sa nahitabong engkuwentro tali sa tropa sa kagamhanan sa Barangay Tupaz Maragusan, Davao de Oro.
Gikanayong samtang nagpahigayon ug focused military operations ang mga sakop sa 1001st Infantry Brigade 1001(Bde), nagka-engkuwentro sila sa mga sakop sa Regional Operations Command (ROC) sa NPA , Southern Mindanao Regional Committee (SMRC).
Una ng giila ni Brig. Gen. Jesus Durante III, the 1001Bde commander, ang mga napatay nga NPA nga sila si Ezequil Cortez Daguman alyas Rey/Ry, miyembro sa Communist Party of the Philippines (CPP) Central Committee ug deputy secretary sa ROC, SMRC; Ruel Baylon alias James; ug Quirino Remegio alias Jelly/Manoy.
Human sumala pa ang engkuwentro, narekober sa militar ang mga tag-as nga armas, improvised explosive device, nagkadaiyang klase sa bala, medical paraphernalia, ug personal nga mga butang sa NPA.
Nasayran nga si Daguman aduna nay arrest warrants gumikan sa kasong kidnapping, serious illegal detention, double murder, robbery with violence, ug murder.
Ang nahisgutan nga kalampusan tipik lamang sa pagpatuman sa kamandoan ni Pangulong Rodrigo Duterte nga Executive Order (EO) 70 o ang whole-of-nation approach arun nga mapalambo pa ang pagpaningkamut ug serbisyo aron nga maangkon ang kalinaw ug matapos ang communist insurgency sa nasud.
Nanawagan na lamang si Durante sa uban pa nga mga miyembro sa NPA nga mutahan na lamang sa kagamhanan ug pahimuslan ang Enhanced Comprehensive Local Integration Program (ECLIP) usa ka government program nga mutabang sa mga kanhi rebelde nga buot ng magbag-o kauban ang ilang mga pamilya.
Kahinumduman nga sukad nga milingkod sa katungdanan ni Pangulong Duterte, ubay-ubay na ka mga rebelde ug supporters niini ang mibalik na sa sabakan sa kagamhanan ug nakapahimulos sa mga nagkadaiyang mga programa.
