DAVAO CITY – Iduso na ang patung-patong nga kaso batok sa usa ka 47 anyos nga lalaki kinsa nakuhaan ug milyon nga kantidad sa mga smuggled nga sigarilyo ingon man mga armas.
Dihang nakadawat ang kapulisan kalabot sa illegal nga binuhatan sa suspek, gilayon nga gilusad ang operasyon nga gipangunahan sa Regional Special Operation Group XI kaabag ang Digos City Police Station, Hagonoy Police Station, Regional Intel Division (R2), Integrity Monitoring Enforcement Group ug Bureau of Customs XI.
Una ng giila ang suspetsado nga si Tapsaren Alibasa, 47 anyos nga residente sa nahisgutan nga dapit.
Malampuson sumala pa nga napalitan ang suspek ug unom ka mga pakete sa Hoodlum Brand nga sigarilyo.
Apan dihang gihiling sa otoridad ang suspek, narekober gikan sa iyang posisyon ang .45 Caliber pistol loaded sa magazine ug mga bala.
Kalakip sab sa nahipus ang 690 ka mga karton sa mga nagkalain-laing brand sa smuggled cigarettes kantidad og P27,600,000.00.
Anaa karun sa kustodiya sa kapulisan ang suspek alang sa tukma nga disposisyon.
