Gikabalak-an nga adunay duha ka mga bagyo ang mosulod sa nasud sa sunod nga duha ka semana.
Sumala kang Benison Estareja PAGASA, nga sa karon adunay ginamonitor ang ahensya nga bagyo sa Northern Section sa Philippine Area of Responsibility (PAR) ug ang ikaduha nga namugnang bagyo ang anaa sa amihanang sidlakan sa nasud.
Ang unang bagyo kung kini ang makasulod sa nasud pagatawagon kini ug Ferdie ug ang ikaduha mao ang Gener.
Samtang padayon gihapon nga makasinati ug pag-ulan sa Ilocos Norte ug Ilocos Sur lakip na ang Cordillera Administrative Region (CAR).
Makasinati sab ug ulan ang Metro Manila, Pangasinan, Zambales, Bataan ug Occidental Mindoro tungod sa habagat nga gipakusog ni Enteng.
Una nang gianunsyo sa PAGASA nga adunay 14 pa ka mga bagyo ang mosulod sugod Setyembre hangtod sa Disyembre karon nga tuig.
