Nadungagan pa karon ang ihap sa mga estudyante nga gikanayong naghikog gumikan sa sistema sa ilang pag-eskwela partikular na ang paggamit ug module.
Kagahapon sa hapon usa ka 15 anyos nga estudyante ang nagpakamatay sa Sitio Udalo, Brgy. Buhangin, Malita, Davao Occidental diin naila ang biktima nga si IVAN ABELLAE ONDI, usa ka Grade 8 student sa Tubalan National High School ug residente sa nahisgutan nga dapit.
Una ng nakadawat ug report ang otoridad kalabot sa maong insidente hinungdan nga gilayon nila kini nga giimbestigahan.
Sumala sa igsuon sa biktima nga si JERRY ABELLAR ONDI, otso anyos, nakita niya nga walay nay kinabuhi ang iyang igsuon nga nagbitay sulod sa lawak niini diin gigamit sa iyang paghikog ang nylon rope samtang gakus ang iyang learning modular paraphernalia.
Gikanayong ayha nahitabo ang insidente, gipahimangnoan kini sa iyang inahan nga tapuson ang iyang module. Ang patay’ng lawas sa biktima gidala sa Novis Funeral Home.
Gitambagan sa otoridad ang pamilya sa biktima nga ipailalom sa otopsiya ang patay’ng lawas niini apan wala pa kini nakadesisyon.
Sa pikas nga bahin usa sab ka estudyante nga 14 anyos ang naghikog sab kagahapon sa New Visayas, Montevista, Davao de Oro.
Nahitabo ang insidente sa Purok 10, NHA Blk. 33 Lot 23, Brgy. New Visayas, Montevista, Davao De Oro.
Naila ang biktima nga si PRINCESS HEART VILLANUEVA, 14 YEARS OLD, estudyante kinsa nakita na lamang sa iyang igsuon nga si JOSUA C. VILLANUEVA, 16 anyos nga wala nay kinabuhi ang biktima. Gigamit sa paghikog sa biktima ang duruha ka metros nga gitas-on sa nylon rope.
Wala sumala pay nakitang foul play sa kapulisan sa kamatayon sa biktima. Padayon pa sab ang gipahigayon karon nga imbestigasyon sa otoridad.
