TOLEDO CITY – Nagbangutan ang pamilya sa usa ka 18-anyos nga dalagita kini human nakaplagang wa nay kinabuhi sulod sa usa ka lodge ug naabtang gihiktan ang baba.
Saysay sa landlady sa balay nga ginaabangan sa biktima, milakaw matud pa ang biktima pasado alas 9 kagabie, Setyembre 20 ning tuiga human kining mikaon ug nisakay matud pa og usa ka ride-hailing app nga motorsiklo ug hangtud karon wala na kini igkita.
Sa pikas bahin, gibutyag sa inahan sa biktima nga giilang si Evelyn Tagactac nga duna matud pay ‘chatmate’ si Mae Fatima Tagactac, 18 anyos, usa ka Grade 12 student.
Gani, gitambagan niini ang iyang anak nga di gilayon mutuo ingon man muuban gumikan daghan ang mga mangigilad karong panahona.
Nasayrang nag-abang sa Pier 1, Toledo City ug adunay buntis nga kapuyo ang suspek nga giilang si alyas Richard rason nga gilayon kining giadtoan sa kapulisan, apan pakyas kining naabtan sa otoridad.
Gibutyag sab sa magulang sa biktima nga nananghid ang manghod niini nga mulakaw gumikan duna kini practice sa sayaw ngadto sa ilang tulunghaan.
Apan, nasayrang nakansela matud pa ang practice ug inay muuli, nilakaw kini kauban ang suspek diin nakuhaan pa kini sa CCTV.
Nagbuy-od na lamang ang biktima sa dihang naabtan kini sa kapulisan sa usa ka lodging house ug gihiktan ang baba niini.
Sa karon, anaa pa sa punerarya ang patayng lawas sa kapulisan ug gikatakdang ipailawom sa otopsiya, samtang gilayon sab nagpahigayon og manhunt operation ang kapulisan aron manubag ang suspetsado.
