DAVAO CITY – Nagpahimangno karon ang otoridad ngadto sa mga motorista nga mag-igmat samtang nagbiyahe sa kadalanan aron nga malikayan ang disgrasya.
Kini adunay kalabutan sa ulahing insidente kagahapon sa hapon diin anaa sa 15 ka mga indibidwal ang nalambigit sa aksidente sa kadalanan apan susama hinuon nga luwas ang mga nahisgutan.
Gilayon nga miresponde ang mga sakop sa Davao City Central 911 human nga nakadawat sila ug report kalabot sa nahitabong vehicular accident sa La Vista Monte, Balusong Ext., Diversion Road ning siyudad.
Ang maong insidente resulta sumala pa sa panagbangga tali sa medium-sized vehicle, van, ug tulo ka mga motorsiklo.
Gikanayong duruha sa mga pasyente ang conscious ug nakagawas gilayon kini sa ilang sakyanan.
Gilayon sab nga mi-assist ang mga personahe sa USAR Unit samtang gitambalan sab sa EMS Unit ang mga uban nga mga pasyente.
Anaa sab sa upat ka mga pasyente ang gidala sa SPMC samtang ang laing 11 ka mga indibidwal ang mibalibad na nga magpadala sa hospital.
Padayon sab ang gipahigayon nga imbestigasyon sa otoridad kalabot sa maong insidente.
