Mokabat sa katorse ka mga kanhing rebelde ang migradwar atol sa gipahigayon nga graduation ug moving up ceremony nga gipahigayon kagahapong adlawa sa Barangay Hall sa Malabog, Paquibato District ning dakbayan.
Ang katorse ka mga kanhing rebelde nga gitawag sab ug ‘Friends Rescued’ kon(FRs), ang naka-kompleto sa ilahang pagtuon sa elementarya ug sa junior high school education ilawom sa programa nga Alternative Learning System pinaagi sa pakig-alayon sa lokal nga panggamhanan sa syudad sa Davao, Peace 911, Department of Education, ug Davao City Police Office.
Nasayran nga pito sa mga kanhing rebelde nga mipailawom sa pagtuom ang migradwar sa elementarya samtang ang laing pito ang mopadayon sa junior high school.
Gikalipay sab kini sa pamilya sa mga nasampit nga ihap sa mga indibidwal nga mitambong sa seremonya uban ang Department of Education Division – Alternative Learning System representatives,mga opisyal sa Baranggay, kapulisan ug uban pang mga ahensya ug buhatan sa gobyerno ang mitambong atol sa maong kalihukan.
