Gipahamtang sa National Police Commission (NAPOLCOM) ang 90 ka adlaw nga preventive suspension batok sa 12 ka pulis nga gitudlo nga sangkot sa kontrobersyal nga kaso sa nawawalang mga sabungero.
Base sa resolusyon, giingong “epektibo dayon” ang suspensyon human kini madawat ni PNP Chief Gen. Nicolas Torre III. Gisumite ang suspensyon isip tubag sa mosyon nga gilunsad sa whistleblower nga si Julie “Dondon” Patidongan o mas nailhan sa alyas nga ‘Totoy’, nga nagtudlo sa mga pulis nga may kalambigitan sa kaso.
Base sa NAPOLCOM, adunay kusog nga ebidensyang nagapakita og probable cause, hinungdan sa aksyon sa komisyon.
Lakip sa mga gisuspenso mao sila PLtCol. Ryan Jay Orapa, PMaj. Mark Philip Almedilla, ug PCol. Jacinto Malinao Jr., uban pa.
Gipasalig ni NAPOLCOM Commissioner Atty. Rafael Vicente Calinisan nga ang suspensyon dili porma sa silot, kondili usa ka hakbang aron masiguro nga dili maimpluwensyahan ang imbestigasyon sa kaso.
Sa laing bahin, gibutyag sab nga naa na sa kustodiya sa DOJ ang duha ka igsoon ni Patidongan, nga sila si Elakim ug Jose, diin giila ni Elakim nga andam siya motestigo ug isiwalat ang tinuod nga nahibaw-an sa likod sa pagkawala sa mga sabungero.
