DAVAO CITY – Gipasidunggan ni Brigadier General Mario G. Lacurom AFP, General Officer-in-Charge 10ID Philippine Army ang katakus nga gipakita sa mga sakop sa 39IB Philippine Army dihang gikasangka ang mga sakop sa Communist Terrorist Group (CTG).
Kahinumduman nga patay ang duha ka mga sakop sa Communist Terrorist Group (CTG) ang patay sa nahisgutan nga panagsangka nga natigayon sa Sitio Lanan, Brgy Goma, Digos City, Davao Del Sur.
Nasayran nga usa ka bahin sa Bravo Company ug Scout Platoon sa 39IB ang nakigsangka sa wala matino nga gidaghanon sa CTG ubos sa GF51, SMRC samtang anaa sa combat operation sa dapit sa Sitio Lanan, Brgy Goma, Digos City, Davao Del Sur.
Unang nakadawat ang 39IB Philippine Army ug report gikan sa usa ka civilian nga ang NPA o CTG anaa sa dapit sa Sitio Lanan ug gikatuohan nga mopahigayon ug extortion ug recruitment activity.
Isip tubag gipadala ang usa ka unit sa tropa sa kagamhanan aron nga kapugngan ang mga terorista sa ilang gilaraw kasamok.
Milungtad ngadto sa 45 minutos ang boto-boto sa armas ug napugos ang tropa sa kagamhanan sa pag-atras.
Duha ka mga NPA ang gikatalang patay ug usa ka high powered firearm ang nasakmit sa kasundalohan.
Wala’y gikatala nga namatay o kaha samdon sa bahin sa tropa sa kagamhanan.
