DAVAO CITY – Aprubado na sa City Council ang pag-amyenda sa Comprehensive Zoning Ordinance sa pipila ka mga areas alang sa eco-tourism ug agro-tourism activities sa Marilog ug Paquibato Districts.
Ilalom sa gi-amyendahan nga balaod, aduna sumala pay mga conservation areas nga gilangkuban sa Conservative Zone 1 (CZ1) ug Conservative Zone 2 (CZ2) nga gilangkuban sa kinatibuk-ang land area nga 62,469 hectares.
Ang nahisgutan nga areas ang na-identify ug gideklara isip environmentally critical areas (ECA) sa Watershed Code ning dakbayan ug areas nga gideklara sa balaod isip national parks, watershed reserves, wildlife reserves ug daghanan pa.
Kahinumduman nga sa milabay nga tuig, pipila ka mga tourists destinations sa district 2 ug 3 ang gimandoan nga pasirad-an sa City Council gumikan kay nakahimo kini ug daghanang kalapasan sa maong ordinance ug kadaghanan niini ang nag-operate nga walay permit.
Gihimo ang pag-amyenda sa ordinansa aron nga masulbad ug mahatagan ug solusyon ang tanan nga mga apektadong establisyemento ugt mas daghanang turista ang maawhag nga moadto sa siyudad.
