Sulod na ang Pinoy ug World’s No.2 pole vaulter Ernest John ‘Ej’ Obiena sa nagapadayon nga Paris Olympics 2024.
Ayha kini, duha ka gihayon nga mipalya si Obiena sa 5.60m height apan malampuson niining na clear ang 5.70, sa iyahang ikatulo ug ulahing attempt alang sa Men’s Pole Vault.
Nahimong kabahin si EJ sa best-12 performance sa maong event alang sa finals.
Si Obiena ang usa sa mga nag-unang bet sa Philippine Team nga makakuha og medalya sa Paris Olympics, human na usab sa nndot niini nga mga rekord kong diin nabuhat niining muambak og lapas sa 6 metros sa ikaduhang higayon sa mga international competition nga gisalmutan niini.
Bisan pa man niana, nagatuo si Philippine Athletics Track and Field Association President Terry Capistrano nga wala nahimong sayon ang tanan maong hangtod karon wala gayud sila nagpakampante.
Sumala pa nga dili dapat ginapasagdan ang kapasidad sa uban pang Olympian ug kinahanglan magpabilin gihapon ang focus sa atleta sa iyahang event.
Sa kasamtangan, gunit ni World No.1 Duplantis ang highest rekord samtang ang world No.3 nga si Sam Kendricks sa USA ang nakatala usab og 6.06 meters.
Si Obiena ang ginailang una nga lalake gikan sa Asya nga nakabuhat sa pag-ambak sa kapin 6 metros.
Nabuhat niya kini niadtong Hunyo 10,2023 sa Bergen, Norway.
