DAVAO CITY – Luyo sa pipila ka tuig na nga kamugnaan sa Women Development Code ning siyudad, dili sumala pa igo ang adbokasiya sa mga kababaenhan alang sa ilang mga katungod.
Matud pa kang Lorna Mandin, action officer sa Integrated Gender Development Division (IGDD) sa City Mayor’s Office, nga ang kultura usa sa mga aspeto nga kinahanglan hatagan ug pagtagad alang sa kalingkawasan sa mga kababaenhan.
Ang IGDD mao ang monitoring and coordinating body ilalom sa City Mayor’s Office diin nag-unang papel niini mao ang pagsumite ug mga concerns sa uban nga departamento sama sa social welfare, city health ug daghanan pa.
Nagapahigayon sab ang ahensiya ug nagkadaiyang forum ingon man educational discussions sa mga urban poor communities sa siyudad aron e-edukar ang mga kababaenhan sa iyang mga katungod.
