Gikunsedera sa World Health Organization cancer agency ang talc isip “probably carcinogenic” alang sa mga tawo, apan usa ka experto ang nagpasidaan batok sa sayop ipasabot isip smoking gun.
Ang desisyon gibasi sa limitadong ebidensya nga ang talc ang mamahimong makahatag ug ovarian cancer sa tawo, insaktong ebidensya nga malambigitkini sa kanser sa mga ilaga ug kusog nga mechanistic nga ebidensya nga nagpakita kini sa mga carcinogenic sign sa mga cells sa tawo, matod pa sa International Agency for Research sa WHO.
Ang talc ang usa ka natural nga mineral nga ginamina sa daghanang bahin sa kalibutan ug sagad gigamit sa pagmugna ug talcum baby powder.
Gipahayag pa nga adunay mga pagtuon nga padayong nagpakita sa pagtaas sa rate sa ovarian cancer sa mga kababaihan nga migamit ug talc sa ilahang pagkababaye.
Apan nasayran sa pipila ka pagtuon nga ang talc ang nakontamina sa asbestos nga makahatag ug kanser.
Kung kahinumduman, pipila ka semana ang nakalabay mi-uyon ang US pharmaceutical ug cosmetics giant nga Johnson & Johnson nga mubayad sila ug $700 milyon aron tarungon ang mga alegasyon nga giilad niini ang mga kustomer mahitungod sa kaluwasan sa mga produktong pulbos nga nakabasi sa talcum.
Apan wala giangkon sa Johnson & Johnson ang kasaypanan sa ilahang settlement, bisan paman nga giwagtang niini ang produkto sa merkado sa North America niadtong 2020.
