DAVAO CITY – Dako sumala pa ang matabang sa lalawigan sa Davao del Sur ang gidonar nga water tanker kini aron nga mahatagan ug supply sa tubig ang pipila ka mga barangay sa probinsiya nga grabeng naapektohan sa kusog nga linog.
Kahinumduman nga personal mismo nga gi-turn over ni Cabinet Secretary Karlo Nograles ngadto sa Philippine Red Cross ang usa ka water tanker nga maka-supply ug 10,000 ka litro nga tubig nga dakong sa mga residente.
Gikanayong gawas sa food packs nga gitunol sa mga biktima sa pagtay-og mas nanginahanglan sumala pa karon ang mga nahisgutan ug tubig sanglit apektado na ang kalidad sa ilang tubig mainom human nga nahimo kini kolor brown ug nagpositibo sa e-coli bacteria.
Gitino ni Nograles nga water tanker ang gipalit gumikan kay ubay-ubay na ang mihatag ug hinabang o mga relief goods gikan sa mga LGUs ug mga pribadong sektor ug magamit sab ang maong truck sa umaabot pa nga panahon.
Nag-una sumala pa nga serbisyohan sa maong water tanker ang mga lugar nga grabeng naapektohan sa kalamidad ug lisod nga masulod gumikan kay nahimutang sa hilit nga dapit sa lalawigan.
