Warrant of arrest sa mga senador nga nalambigit sa anomalya sa flood control hapit na mogawas

Kumpiyansa si Ombudsman Jesus Crispin Remulla nga sa mosunod nga duha ka semana, mogawas na ang warrant of arrest batok sa mga Senador nga nalambigit sa flood control anomalies.

Gikanayon niini nga tungod napagawas na ang warrant of arrest ni kanhing Ako-Bicol Partylist representative Zaldy Co, dili na layo nga mogawas usab ang uban pang warrant of arrest sa mga nalambigit.

Usa sa mga posibleng mosunod mao ang warrant of arrest ni kanhing Senador Ramon Revilla, tungod kay dugay na kini nga giimbestigahan.

Kahinumduman nga lakip ang pangalan sa kanhing Senador ang girekomenda sa Independent Commission on Infrastructure (ICI) nga kasuhan sa Office of the Ombudsman tungod sa pagkalanbigit niini sa maong anomalya.