DAVAO CITY – Gihatagan og pagsaludo ang mga buhi ug mitaliwang mga war veterans atol sa pagsaulog sa ika-81 nga Araw ng Kagitingan, nga gipahigyaon kagahapon sa buntag sa Carmen Veterans Shrine, Barangay Ising, Carmen, Davao Del Norte.
Atol sa maong kalihukan, gipasidunggan sab sa Local Government of Carmen ang mga beterano sa gubat kaniadtong World War II ug kadtong Post War Veterans nga naggagikan pa sa managlahing bahin sa Davao Region.
Nakigduyog sa maong paghinumdom ang mga sakop sa 10th Infantry Division nga gipangunahan ni Commander Major General Jose Eriel Niembra, mga opisyales sa Philippine Veteran’s Affairs Office, mga opisyales sa Carmen LGU, ug ni Davao del Norte 2nd District Representative Congressman Alan Dujali.
Gikanayon sa commander sa 10ID nga ang pagka-bayani, nagbutang sa kinabuhi sa usa ka tawo alang sa usa ka mas taas nga katuyoan.
Dili lamang limitado sa mga nagsul-ob sa uniporme apan daghang mga tawo ang mga bayani tungod sa ilang takos nga katungod niini.
Ang Carmen Veterans Shrine o mas nailang Battle of Ising, usa ka commemorative landmark sa rehiyon nga nagpakita sa kasaysayan sa mga sundalong Pilipino kaniadtong World War II nga nakigbatok tali sa mga Hapon kaniadtong Mayo tuig 1945.
via || Bombo LJF
