DAVAO CITY – All out war sa kasamtangan nga administrasyon Duterte gibasol sa Sandugo sa kamatayon nila ni Nurmayda Abbi, ang usa ka tuig nga batang babaye, Hadji Billamin Hassan ug Nuruddin Muhlis niadtong milabay nga Marso 8 sa Brgy. Tum-os Tabuan Lasa, Basilan.
Sumala pa nga nagpadayon ang pagpamatay sa kaigsoonang muslim human ang 49 ka tuig sa Jabidah Massacre. Kini ang nahimong pahayag ni Jerome Succor Aba, co-chairperson sa Sandugo, isip paghinumdom sa kaigsoonang Muslim sa Jabidah Massacre kagahapong adlawa.
Sumala pa ni Aba nga tungod sa all out war sa kasamtangang administrasyon nangamatay ang mga bikitma nga inosente. Sulod sumala pa sa gatusan ka katuigan padayon sila sa pagpakig-away aron nga makalingkawas gikan sa pagpanglupig.
Una gikan sa langyaw nga mananakop karon batok sa mga dagkung foreign businesses ug ang ilang mga lokal nga mga partners nga buot mupapahawa kanila sa ilang yutang kabilin.
Nagpabilin sumala pa nga nagpuyo sila sa ka-pobrehon, walay mga desinteng trabaho ug walay mga edukasyon.
Ang Jabidah massacre mao ang pagpamatay sa daghanang mga Moro soldiers kinsa sekretong gibansay isip commando unit nga gitawag ug “Jabidah” sa Corregidor, Bataan.
