DAVAO CITY – Napalgan na ang ongbak (bao-bao) nga gigamit sa paghatod sa arkitekto nga si Vlanche Marie Bragas ngadto sa dapit diin siya gilugos ug gipatay niadtong Mayo 16, 2023, pinaagi sa “Oplan Katok” nga gipahigayon sa Davao City Police Office (DCPO).
Giimbestigar sa kapolisan ang tanang nanag-iya ug drayber og ongbak pinaagi sa ilang operation plan hangtud nasakmit ang gipangitang ongbak niadtong Hunyo 21 diin napalit kini tungod sa dakong kantidad nga wala mabayri sa nakapalit.
Usa ka ariyos ang napalgan atol sa eksaminasyon sa gipangutang behikulo nga pagkadugay napamatud-an nga parihas sa ariyos nga gisul-ob sa biktima.
Gikanayon ni Police Major Ricky Obenza nga gipanag-iya ang ongbak sa usa ka Joey Misa nga taga Barangay Balengaeng, Tugbok District, Davao City, gikan kang Jimmy Bayantong Lobiano nga giilang John Doe kansang napatay human misukol atol sa paghatod og warrant of arrest sa iyang panimalay niadtong Hulyo 15 sa Purok 11, Barangay Sirib, Calinan District.
Wala masayod si Misa nga gipangita sa kapolisan ang iyang unit kay gisakyan kini ni Bragas una pa makabsan sa kinabuhi.
Samtang gikatakdang maghatag og paghayag ug dugang impormasyon ang DCPO kalabot sa kalamboan sa insidente karong adlawa, adlawng Martes, Hulyo 18.
via || Bombo HJR
