DAVAO CITY – Wala sumala pay namatikdan nga nagtapok sa mga kadagatanan sa dakbayan apan adunay walo ka mga minor de edad ang nadakpan nga nangaligo sa mga personahe sa Navy ug Coast Guard atol sa Black Saturday.
Gawas niini, laing mga hamtong sab ang nasikop nga nakasupak sa 24/7 liquor ban.
Sumala pa kang Commodore Antonio Palces, commander sa Naval Forces Eastern Mindanao (NFEM), nga subay sa ilang pagpatrolya wala sila nakadawat ug report nga adunay mga pamilya nga miadto sa mga beach atol usab sa easter Sunday kagahapong adlawa.
Gibutyag sab ni Commodore Roy Echeverria, commander sa Coast Guard District Southeastern Mindanao, nga ang nasikop nga mga minor de edad ang gi-turn over sa Sasa Police Station station samtang ang mga nakasupak sa liquor ban nga mga hamtong ang gipang-endorso usab sa nahisgutan nga estasyon.
Kalakip sa ilang gipangmonitor karon ang mga private resorts human nga nakadawat sila ug impormasyon nga aduna pa gihapoy naga-inom ug ilimnong makahubog luyo sa mga pahimangno sa otoridad.
Nasayran nga dinhi sa dakbayan sa Davao, anaa sa siyam ka mga pribadong beach resorts ug lima ka mga public resorts ang ilang gibantayan.
