Walay personalan ug walay pulitika ang pagtanggal sa police security ni Vice President Sara Duterte.
Kini ang gihimong pagpaklaro ni Philippine National Police (PNP) chief Gen. Rommel Francisco Marbil sa pagpakunhod sa police security ni VP Sara sa mismong adlaw sa State of the Nation Address (SONA) ni Pangulong Ferdinand “Bongbong” Marcos, Jr. Matod pa sa PNP Chief, walay kamatuoran nga giinitan nila ang Bise Presidente kung diin mukabat sa 75 police security niini ang gitanggal.
Gipasabot sa opisyal nga ang pag-recall sa police security sa nagkadaiyang personalidad ang gihimo aron irationalize ang deployment sa mga pulis sa security operations.
Isip pagpamatuog kuno niini, sa dihang wala pa gipatuman ang recall order, nakig-estorya ang Police Security Protection Group (PSPG) sa chief of staff sa Bise Presidente ug gipahibalo ang pagtanggal sa mga PNP personnel ug ibalhin kini sa National Capital Region Police Office (NCRPO).
Susama sa pamahayag ni VP Sara, nagtuo ang PNP Chief nga dili kawad-on ang pagpakunhod sa security details sa Vice President gumikan kay dugang lamang kini sa mga sundalo nga mao gayod ang mihatag ug seguridad sa Bise Presidente.
