DAVAO CITY – Gibutyag sa Davao City Vices Regulation Unit (VRU) nga dyutay lamang ang mga nakalapas sa anti-smoking, sobriety, ug liquor ban ordinances atol sa first half sa Kadayawan festival karong tuiga.
Bisan nga wala pa gibutyag ni VRU-Anti Smoking Task Force chief Dr. Ashley Lopez ang pinal nga data sa ilang gipahigayon nga monthly dissemination, apan base sa ilang gipahigayon nga operasyon kaniadtong Agosto 15 ug 16 ayha ang Indak-Indak sa Kadayawan street dance competition, gikanayong nakasikop sila ug 21 lamang ka mga violators diin lima ka mga violators sa anti-smoking samtang 16 ka mga violators sa liquor ban.
Gikanayong sagad sumala pa sa mga violators ang residente sa Davao City ug walay foreign tourists ang nasikop atol sa nahisgutan nga mga adlaw.
Samtang nagtuo si Lopez, nga ang dyutay nga ihap sa mga nasikop hinungdan sumala pa sa gipahugtan nga information dissemination campaign nga gipahigayon sa siyudad pinaagi sa usa ka tawo ngadto na sa nagkadaiyang medium sama sa social media.
Gani personal sab ang VRU nga nakighinabi sa restaurant ug bar owners diin gipahimangnoan ang mga nahisgutan sa gipatuman nga mga polisiya sa siyudad.
