Mitambong si Vice President Sara Duterte sa Misa Pasasalamat nga gipahigayon kagahapon hapon Agusto 7, sa San Pedro Cathedral Church, Davao City, isip pormal nga pagsugod sa selebrasyon sa Kadayawan sa Davao 2025. Ang maong misa gipangulohan ni Archbishop Romulo Valles ug gitambongan sa daghang deboto ug mga lokal nga opisyal.
Gipahayag ni Archbishop Valles ang iyang dakong pagpasalamat sa presensya sa bise presidente, nga usa sa mga bida sa pagsaulog sa kultura ug pagtuo sa syudad. Ang Misa Pasasalamat usa ka tradisyon nga buot ipadayag ang pagpasidungog sa tanang panalangin nga nadawat sa lungsod sa milabay’ng tuig.
Sa pag-abot ni VP Sara sa katedral, mainitong pagsugat ang gihimo sa mga deboto ug simbahanon nga andam na sa pagsaulog sa pista. Ang iyang presensya gihatagan og dakong kahulugan sa mga Dabawenyo, ilabi na sa pagsugod sa semana sa Kadayawan.
