Gikataw-an na lamang ni Vice President Sara Duterte sa dihang nasayran niini nga ginaimbestigahan na matud pa siya sa National Bureau of Investigation (NBI), labot sa pagsupak sumala pa niini sa Anti-Terrorism Act nga tataw sumala pa nga aron lamang ma-access ang iyahang assets ug mga kabtangan.
Susama usab matud pa ang ginabuhat ngadto kang Suspended Negros Oriental Congressman Arnolfo “Arnie” Teves Jr. diin kahinumdumang niadtong tuig 2023, gideklarang terorista sa Anti-Terrorism Council si Teves ug ang 12 pang mga indibidwal, diin maoy gitudlong utok sa pagpatay ug harrassment didto sa Negros Oriental.
Gibansagan si Teves isip mastermind sa pag-atake sa mitaliwan na nga si Negros Oriental Governor Roel Degamo.
Samtang mipalag usab ang pipila ka mga magbabalaod labot sa gikanayon ni VP Sara nga aduna na matud pay political playbook nga ginasunod ang mga kongresista aron nga ipiton kini susama sa pag duot niini kang Teves.
