Wala nakatan-aw karong adlawa si Vice President Sara Duterte sa ikatulo nga State of the Nation Address ni Pangulong Ferdinand ‘Bongbong’ Marcos Jr.
Sumala sa gipagawas nga pamahayag sa Office of the Vice President nga kini ang tungod sa ang bise presidente ang anaa sa Bohol aron magpakita sa simpatiya niini sa mga Boholano tungod sa pagkamatay sa ilahang Vice Governor nga si Dionisio Victor Balite.
Gawas niini, buot usab ni VP Sara nga dasigon ang mga tawo sa maong lugar tungod usab sa pagkasuspende sa ilahang mga gibotohan nga lokal nga opisyales.
Gibutyag usab sa OVP nga kagahapong adlawa ginasaulog usab ang adlaw sa Bohol kon Bohol Day.
Matud pa nga nindot kini nga higayon alang sa bise presidente nga maghatud og mensahe sa paglaum.
Ang maong mensahe ang matud pa nagapahinumdom nga adunay Ginoo nga nagabantay kanato ug pinaagi matud pa sa pagtinabangay ug pagpaningkamot mahitabo ang pagtarung usab sa maong dapit.
Kon kahinumduman, una ng miingon si VP Sara nga dili sya makatambong sa SONA ug gitudlo niini ang kaugaklingon isip usa ka ‘designated survivor’.
