DAVAO CITY – Gipangunahan ni Vice President Sara Duterte ang natigayong Pahalipay sa Taal kagahapong adlaw sa Pasko.
Gawas sa mga groceries ug gift certificates, nakadawat sab sa libreng pakaon ang mga misalmot sa ancestral house sa mga Duterte sa may Bangkal, ning dakbayan.
Sa iyang mensahe, gipasiugda sa bise presidente ang tulo ka mga hiyas sa Pasko alang sa mga tawo nga magkinabuhi nga malinawon, mao ang gugma, pagpasaylo, ug pagpaambit.
Mao kana ang magdala sa katawhan paingon sa kalinaw ilabi na sa mga tawong wala pay nadawat nga regalo karong panahuna.
Nagpadangat sab sa iyang personal nga pagpasalamat ngadto sa bise presidente ang 79 anyos na si Andriana Arcillas nga natabangan sa medication and burial assistance sa pamilya Duterte sukad 2015 pinaagi sa Lingap Para sa Mahihirap, usa ka proyekto sa City Government of Davao nga naghatag ug financial aide sa mga kabus nga residente nga nanginahanglan ug medical assistance ug libreng pagpa-cremate sa mga mitaliwang minahal sa kinabuhi.
via || Bombo LJF
