DAVAO CITY- Nagkanayon si Vice President Sara Duterte nga wala kini nahibal-an mahitungod sa hungihong nga isuspinde si Davao City Mayor Sebastian ‘Baste’ Duterte.
Kahinumdumang nagkanayon ang kanhing tigpamaba sa Malacañang sa administrasyong Duterte nga gikatakda matud pa nga isuspende sa pwesto si Mayor Baste Duterte.
Apan hangtod karon kapin semana na ang milabay wala matud pa gihapong nadawatang suspension order ang maong Mayor.
Migula ang maong hungihong nga pagsuspende sa mayor human nga mibisita si Pangulong Ferdinand Bongbong Marcos Jr. sa milabay nga semana sa Davao Region.
Sigon pa ni Vice President Sara Duterte nga og adunay papel o dokumento mahitungod sa suspension ni City Mayor Baste Duterte, paabuton na lamang kini nga maabot ug paabuton usab ang mamahimong legal nga aksyon sa maong Mayor.
via/ DMA
